艺人陈豪、宣萱、罗子溢和滕丽名等，为TVB《陀枪师姐2021》结局篇宣传，期间大玩游戏，宣萱被安排先后与滕丽名与陈庭欣拗手瓜，而戏中宣萱爱猫“汤圆”现身成焦点，场面热闹。
文章来源：TVB资讯台 W博：@香港TVB资讯台
随着最后5集播出，意味前后共5辑的《陀枪师姐》系列告一段落，阿滕突然感触表示：“唔知几时先再开嘞。（仲想再拍？）如果再开，希望换吓角色啦。（想演乜？）可能都退咗休嘞。”
谈到《陀》系列带来最大的得着，阿滕直言：“陈三元（角色名字）嘅性格本来同我本身唔似，但依家都改变咗我，有佢嘅性格嘞，同埋依家都仲有人叫我做3蚊鸡。（有冇同其他拍档，好似关咏荷咁保持联络？）佢好Cool，可能因为工作紧啦，系最少联络嘅，我反而同欧阳震华就多啲联络。”
陈豪去深圳拍剧
陈豪明天将出发往深圳，为《白色强人II》拍摄外景，不过宣传活动后他仍要通宵赶戏，听朝返家取行李再出发，执行李则要太太陈茵媺代劳。他坦言很早已与仔女心理辅导，讲明爸爸将要离家一段时间。
问到可担心明天离家时出现哭闹场面，他说：“好彩佢哋返晒学。（嚟紧21日隔离点样打发时间？）我好多嘢要处理，例如生意方面，又要健吓身咁，同埋系畀我放松吓。”至于其咖啡店位处严重确诊商场，目前已停业，陈豪觉得为确保安全亦属应该。
艺人陈庭欣（Toby）下午出席宣传活动时、以一袭超贴身短裙现身，摆甫士时可谓“一步一惊心”，她笑言随时有走光机会：“呢条裙几年冇着，可能我最近又高咗，条裙又缩咗水啦，所以有咁嘅效果。依家仲着得返，真系都好开心。”
谈到《陀枪师姐2021》内她出尽阴招，与宣萱争陈豪，角色犯众憎，问到她在街上可有被途人闹爆？她笑答：“其实有啲观众睇咗网上版追晒，都觉得我个角色好乞人憎，开始畀人闹嘞。我好变态，依家出街如果有人闹，我会仲好开心呀。”
问到她现实生活中可有试过被男友的前度骚扰？Toby答：“好彩冇。（有冇试过翻挞前度？）亦冇，我每段感情分手都会搞得好清楚，分手后都唔会再联络。（介意男友同前度约会吗？）如果普通联络冇所谓，单独食饭就唔系咁好啰，个心都会唔舒服。”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
